समस्याको चुरो
नेपालको राज्यसत्ता सदैव केन्द्रीकृत रह्यो । काठमाडौँबाट चल्ने शासनको खटनपटनले देशका कुनाकाप्चाका आवश्यकता र प्राथमकिताको पर्वाह कहिलै गरेन । २०४६ को राजनीतिक परिवर्तनपछि स्थानीय स्वायत्त शासनको सीमित अभ्यास भएको हो । यो अभ्यासले स्थानीय तहमा आम मानिसका आवश्यकता सम्बोधन गर्ने लक्षमा छोटो समयमा पनि निकै रहरलाग्दो उपलब्धि पनि हासिल गरेको थियो । तर, स्थानीय सरकार विगत १३ वर्षदेखि रित्ता बनेका छन् । नेपालको राज्यसत्ताको केन्द्रीकरण द्रूत गतिमा अहिलेसम्म चलिरहेको छ ।
